Description

اعتقال وتعذيب
مقابلة
الإسم : أ. ح.، مواليد 1988، المستوى التعليمي (خلوة)، العنوان الحالي: ك، ريفي ك. قرية . ق.
تم اعتقالي من قرية قلسا واقتيادي بواسطة أفراد من القوات المسلحة وذهبوا بي إلى معسكر تابع للقوات المسلحة يقع في نفس القرية في اتجاه الجنوب الشرقي ويبعد حوالي٢ كيلو من القرية، تم تقييد يدي ورجلي وتم رميي على ظهر لاندكروزر ثم أدخلوني إلى معسكر الجيش. كنت معتقلا وحدي ولكن من شهد اعتقالي أشخاص من شباب الحلة عددهم ٤ كانوا جالسين معي أمام الدكان وجاء لاند كروزر يحمل بعض العساكر وقالوا لي هل انت أدروب؟ قلت ليهم: نعم أنا ادروب. قالوا: نحن دايرنك وعندما قلت لهم من أنتم قاموا بضربي بسياط على ظهري كما قاموا بطرد الناس اللي كانوا موجودين وحددوا بأن مصيرهم سيكون مصيري إن لم يذهبوا. لمن وصلت معسكر الجيش قالوا لي إنت شغال في التهريب وأنا قلت ليهم انا صاحب دكان والله عمري ما اشتغلت في التهريب، فكو منى الحبال وقالوا لي أدخل داخل القطية (مبنى من طين وقش من فوق) وقالوا لي ح تنتظر القائد لمن يجي إن شاء الله يجي بعد سنة وجاء القائد عنده ٣ دبورات وقال ليهم ده أدروب؟ واحد قال ليه أيوة. قال ليهم ضيفوه كويس ضيفوه تمام! قام بعد ذلك أحد الأفراد بضربي بعصا مرتين في ظهري وقال ليهم نشوف موضوعه الصباح. كانوا ينادون القائد بجنابو أبو محجن أو مهجن ما عارف وأرجعوني إلى القطية ومنذ مجيئه إلى معسكر الجيش وحتي الصباح لم يعطوني لا ماء ولا أكل وفي كل مرة كنت أطلب ماء شرب كانوا يقولون لي أقفل خشمك يا حيوان
في شهر 9/2018 يوم الجمعة جائني ٥ اشخاص لابسين كاكي واحد لابس بنطلون وقميص الزول الكان لابس بنطلون وقميص هو البدأ بضربي بالعصاية علي ظهري، إحدى الضربات نزلت في كليتي اليمين وإلى الآن مازلت أعاني من الألم، وفي اليوم الأول من بعد صلاة العشاء مافي زول إتكلم معاي وآخر كلام قاله لي إنو القائد قال بكره من الصباح يدوك طلقة ولم انم طوال الليل من الألم والخوف. واليوم التاني من الصباح قالوا لي حظك كعب إنو القائد ماجاي اليوم وجاءني أحد العساكر وأخبرته بأني لم أشرب ماء ولم آكل من العصر اسمه الزبير فقام بتقديم بعض الماء ورغيفة واحدة. الأجزاء التي تم ضربي فيها هي صدري كان يضربني بيده لكمات في ظهري وكليتي اليمني حتى العصر. قاموا بضربي منذ دخولي للمعسكر كانت فترة قصيرة لكن الضرب كان شديد ، وفي صباح اليوم التالي جائني شخص في داخل القطية التي كنت فيها وهو نفس الشخص الذي كان يضربني بحقد وقال لي إنه من الاستخبارات العسكرية وكانون ينادونه بإسم أحمد عثمان وهو أيضا من ضربني في اليوم التالي حتى أغمي علي وأفقت وجدت جسمي مبلل بالماء وسمعت أحد الأشخاص يقول له يا أحمد انت عايز تقتل الزول ده. في كل هذه الأوقات كانوا يقولون لي إنني أعمل في التهريب وأنا كنت أقول لهم بأنني صاحب دكان فقط ولا علاقة لي بأي عمليات تهريب.
في اليوم التاني قريب المغرب قالوا لي والله تفتح خشمك تقول ناس الاستخبارات عذبوني نحن عارفين دكانك وبيت تاني نجيبك والمرة الجاية بنقتلك ومافي زول يسالنا وقاموا برميي بالقرب من الحلة وعندما وصلت بالقرب من بيتي أحسست أني أريد أن أقع وبدأت أرتجف وقام بعض الشباب من القريه بحملي علي عربة بوكس و نقلي إلى مستشفى كسلا التعليمي.